நிலவிடம் நிலமகள் வேண்டுவது - பிரவீன்

நான் கண்ட நிலவினை
எனது காதலியும் கண்டாள்
நான் கொண்ட சிரிப்பினை
என் நெஞ்சம் கவர்ந்த நங்கை கொள்ளவில்லையே!
மாறாக
மனம் பதைத்து
மண்ணில் விழுந்து
விண்ணில் பறந்தாள்
நீண்ட நீல கடலை ஆட்சி செய்யும்
மேகராணி இல்லை
மேகத்துக்கே ராணி
ஆசையால் அவளை தொட்டுத் தழுவி
கோமகளானவள் மேகமகளிடம் கேட்கிறாள்
"நீ கொள்ளை கொண்ட உள்ளங்கள் போதும்
ஒருபோதும் என்னை அடைந்த
என் மன்னனது நெஞ்சத்தை பறித்திடாதே!
அழகியான உனக்கு
இந்த அபலை தன்மன்னன் மீது கொண்ட
அன்புகாதல் புரியலையா!"